Back to All Events

Jólatónleikar Diktu í Bæjarbíói - Hjarta Hafnarfjarðar

Þann 20. desember mun hljómsveitin Dikta halda jólatónleika í Bæjarbíói, Hafnarfirði.

Það þarf vart að kynna Diktu fyrir Íslendingum enda fyrir margt löngu búnir að syngja sig og spila inn í hjörtu þjóðarinnar með hverjum smellinum á fætur öðrum sem fengið hafa að hljóma á öldum ljósvakans.

Síðustu ár hefur hljómsveitin jafnan haldið tónleika á þessum árstíma og spilað jólalög í bland við sín eigin lög í sparibúningi. Í Bæjarbíói mun hljómsveitin vera fullskipuð þar sem allir meðlimir sveitarinnar eru á landinu og hugljúfur jólaandinn í algeru fyrirrúmi.

Engin hætta er á öðru en að hver sá sem mætir á þennan viðburð fari þaðan með bros á vör. Ekki láta þig vanta í Bæjarbíó 20. desember.

Tónleikarnir byrja stundvíslega 20:30.