Back to All Events

Papar þið munið hann Jónas í Bæjarbíói

Það eru nýjar fréttir úr herbúðum Papanna því þeir munu í haust koma saman í Bæjarbíói í Hafnarfirði með tónleika sem hlotið hafa nafnið "þið munið hann Jónas" Eins og nafnið gefur til kynna þá munu Paparnir flytja lög við texta Jónasar Árnasonar. Eins og margir muna þá gáfu Paparnir út Riggarobb og Þjóðsögu sem innihéldu eingöngu lög við texta Jónasar. Verður þetta uppistaða tónlekanna en þó verður bætt við einhverju nýju efni. Verkefnið er styrkt af miklum myndarskap af Menningar-og ferðamálanefnd Hafnarfjarðar og eru Papar afar þakklátir fyrir það!

HLJÓMSVEITIN OG AÐSTOÐARFÓLK

Papar eru skipaðir sex einstaklingum sem hafa verið mislengi í hljómsveitinni og nær það allt... frá stofnun hennar árið 1986 og til 2011 þegar "nýjasti" meðlimurinn gekk í Papana en það er Bergsveinn Arilíusson söngvari. Auk hinna hefðbundnu Papa hafa þeir fengið til liðs við sig 7. Papann sem er Börkur Hrafn Birgissson sem spilar á kassagítar. Ólafur Páll Gunnarsson mun sjá um að ramma tónleikana inn með fróðleiksmolum um Jónas og öðru sem tengist tónlistinni og textunum hans. Vandað verður til verks og lofar hópurinn einstakri kvöldstund í Bæjarbíói-Hjarta Hafnarfjarðar. Hópurinn sem setur upp Þið munið hann Jónas samanstendur þá af eftirfarandi einstaklingum

Páll Eyjólfsson Harmonikka og hljómborð
Dan Cassidy Fiðla
Eysteinn Eysteinsson Trommur
Bergsveinn Arilíusson Söngur
Matthías Stefánsson Gítar og banjó
Gunnlaugur Helgason Bassi
Börkur Hrafn Birgisson Kassagítar
Ólafur Páll Gunnarsson Sögumaður, kynnir, heimildarsafnari og innrammari