Back to All Events

HEIMA tónlistarhátíð

HEIMA 2019 er sjötta HEIMA-hátíðin og hefur hún sannarlega fest sig í sessi sem skemmtileg og einstök tónlistarhátíð þar sem boðið er upp á öðruvísi upplifun og meiri nánd en tónleikagestir sem og listamenn eiga að venjast.


Fjölskyldur munu sem fyrr opna heimili sín í miðbæ Hafnarfjarðar og í hverju húsi spila tveir mismunandi listamenn eða hljómsveitir. Fríkirkjan í Hafnarfirði mun einnig opna dyr sínar fyrir HEIMA-fólki auk þess sem sviðið í Bæjarbíói verður notað sem bætir enn á fjölbreytileikann.
Listamennirnir eru þrettán og allir koma fram tvisvar í sitthvoru HEIMA-húsinu í miðbænum. Það eru ekki allir að spila á sama tíma þannig að þeir sem eru duglegastir að rölta milli húsa geti séð sem flest atriði.
Fyrstu HEIMA-tónleikarnir hefjast um kl. 20.00. og þeim síðustu lýkur um kl. 23.00. Rás 2 verður á staðnum og mun útvarpa hluta dagskrárinnar.

Atriði sem koma fram á HEIMA 2019 eru:

Mugison
Svavar Knútur
Cell7
Jón Jónsson & Friðrik Dór
Úlfur Úlfur
Ragnheiður Gröndal
Jónas Sig
Á móti sól
Svala
Prins Póló
GÓSS
Rock Paper Sisters
One Bad Day - Eyvind Karlsson

HEIMA 2019.jpg