Við stöndum fyrir fræðslu og fróðleik sem aðildarfyrirtæki geta sótt sér að kostnaðarlausu og höfum við nú byrjað að bjóða upp á fræðslu í streymi til að mæta ólíkum þörfum fyrirtækja, ráðstefnur þar sem kafað er dýpra í ákveðinn málefni sem aðildarfyrirtæki fá 50% afslátt á ásamt því að bjóða uppá léttari viðburði þar sem félagsmönnum býðst að efla tengsl og hafa gaman.

Við viljum búa til sterkt samfélag innan fyrirtækja í Hafnarfirði og standa þannig saman, miðla þekkingu og reynslu.

Markaðsstofan stendur fyrir öflugri dagskrá með ólíkum viðburðum á hverju misseri sem styðja við markmið markaðsstofunnar.

Í Hafnarfirði starfa hundruði fyrirtækja. Með því að kynna ólíka starfsemi í Hafnarfirði má bæta ásýnd bæjarins og kynna áhugaverða og eftirsótta vöru og þjónustu í bænum. Aðildarfyrirtæki fá kynningu á heimasíðu og miðlum MSH.

Ef fyrirtækið þitt er í Markaðsstofunni fá starfsmenn fyrirtækisins betri kjör á sérstaka viðburði, ráðstefnur og af auglýsingapökkum sem markaðsstofan býður uppá.

Við styrkjum tengsl og samstarf við bæjaryfirvöld. Við viljum efla þátttöku fyrirtækja í viðburðum á vegum bæjarins eins og á sjómannadaginn, jólaþorpinu, Hjarta Hafnarfjarðar og veitum t.d. fyrirtækjum aðgang að vörukynningum eða söluplássi í gróðuhúsum á Thorsplani á meðan á jólaþorpinu stendur.

Markaðsstofa Hafnarfjarðar velur fyrirtæki ársins í Hafnarfirði ár hvert. Verðlaun og viðurkenningar eru veittar fyrirtækjum sem hafa skarað framúr, vakið eftirtekt fyrir störf sín eða lyft upp bæjaranda Hafnarfjarðar með starfsemi sinni og athöfnum. Þau eru þakklætisvottur fyrir óeigingjarnt starf við að gera Hafnarfjörð að betra samfélagi.

Markmiðið með þekkingardegi Hafnarfjarðar er að bjóða gesti velkomna í bæinn og kynna þau fjölmörgu frábæru fyrirtæki sem starfa í Hafnarfirði. Þannig fá gestir tækifæri á að kynnast starfsemi fyrirtækja, hitta fólkið á bakvið fyrirtækin og það sem þau hafa uppá að bjóða.