Sumarkokteill Markaðsstofunnar á spennandi nýju kaffihúsi í Hellisgerði.

Knútur Hreiðarsson matreiðslumaður ásamt eiginkonu sinni Theódóru Ingibergsdóttur opna Helliskaffi í hinu sögulega húsi Oddrúnarbæ í hjarta Hellisgerðis í sumar.

Fimmtudaginn 11. júní bjóðum við aðildarfélögum Markaðsstofunnar að fá forsmekkinn á þessu æðislega nýja kaffihúsi, hitta eigendur og skála saman fyrir sumrinu.

Helliskaffi fær Oddrúnarbæ, tvo gróðurhús á lóðinni og svæði fyrir framan svið og hús til afnota næstu fjögur árin.  

Markmiðið er að skapa lifandi samverustað fyrir gesti á öllum aldri, með sérstakri áherslu á barnvæna upplifun, litla viðburði, tónlist og samkomur yfir árið. Stefnt er að því að opna Helliskaffi í byrjun júní.  
 

Hlökkum til að sjá ykkur í sumarskapi

Aðalfundur Markaðsstofu Hafnarfjarðar

Aðalfundur markaðsstofunnar verður haldinn 18. maí  kl. 18:00 í Apótekinu í Hafnarborg. Á dagskrá eru almenn aðalfundarstörf.

 Kosning stjórnar og skoðunarmanna 

Í stjórn markaðsstofunnar sitja fjórir aðilar frá fyrirtækjum í bænum og þrír fyrir hönd Hafnarfjarðarbæjar, auk tveggja varamanna. Á aðalfundi er kosið um aðila frá fyrirtækjum til tveggja ára. Að þessu sinni verður kosið um tvö stjórnarsæti.  Þeir sem hafa áhuga á að bjóða sig fram vinsamlegast látið vita með því að senda póst á msh@msh.is fyrir 17. maí n.k.

Kjörgengi og kosningarétt til stjórnarkjörs hafa þeir sem greitt hafa árgjald 2025, skv. 1. mgr. samþykkta/skipulagsskrá. Eitt atkvæði fylgir hverju greiddu árgjaldi.
 

Dagskrá

•       Kosning fundarstjóra og fundarritara

•       Skýrsla stjórnar 2025-2026

•       Ársreikningur 2025

•       Starfs- og fjárhagsáætlun 2026

•       Kosning stjórnar

•       Önnur mál

Gakktu í bæinn - Hafnarfjörður býður heim laugardaginn 9. maí

Markaðsstofa Hafnarfjarðar kynnir Gakktu í bæinn, sem haldinn verður haldinn 9. maí næstkomandi en þá mun Hafnarfjörður bjóða heim. Markmiðið með deginum er að sýna kraftinn, sköpunina og fjölbreytnina í verslun, veitingaflóru og atvinnulífi bæjarins og vekja athygli á fjölbreyttri og spennandi starfsemi fyrirtækja í Hafnarfirði. Hugmyndin er einföld – að opna dyrnar, eiga samtal og sýna allt það góða og fjölbreytta sem atvinnulífið í Hafnarfirði hefur upp á að bjóða.

Á þessum degi bjóðum við hafnfirðinga og aðra gesti að ganga í bæinn og eiga góðan dag í firðinum fagra. Þetta er einstakt tækifæri til að kynnast ólíkum fyrirtækjum og starfsemi þeirra. Auk þess viljum við skapa líflega og skemmtilega stemningu í bænum þar sem menning og afþreying fá að njóta sín samhliða atvinnulífinu.

Dagskrá
Athugið að enn er að bætast í dagskránna. Hægt er að fylgjast með okkur á Instagram.

Tilboð í verslunum

• AndreA
  Hjá Andreu finnur þú vandlega valið úrval af fatnaði, fylgihlutum og skartgripum. 15% sumarafsláttur.

• A4
  A4 býður 20% afslátt af öllum vörum í verslun.

• Altis

  Verslunin Altis í Bæjarhrauni veitir 20% afslátt af öllum vörum frá Under Armour.

• BRIKK

  Viltu hafa það kósý heima áður en þú gengur í bæinn? Gríptu með þér dýrindis brunchpakka frá Brikk.

• Emom verslun
  Emom er með æfinga- og hversdagsfatnað til sölu inni í Kvennastyrk, eigendur emom verslunar taka á móti gestum og veita ráðgjöf og bjóða afslátt af vörunum.

• Gina Tricot
  Sá á fund sem finnur! Falin gjafabréf í kringum Fjörð. Mæður sem versla þennan dag fá gjafapoka á meðan að birgðir endast í tilefni af mæðradeginum.

• Burkni blómabúð
  er með fulla búð af fallegum blómum fyrir mæðradaginn. Emil Axels, ungur og efnilegur saxófónleikari lífgar upp á stemmninguna. Smakk og 10% kynningarafsláttur af sælkeravörum frá Nicolas Vahé.

• KAKI
  Kakiverslunin á Strandgötu veitir 15% afslátt á öllum vörum ásamt sértilboðum á Gakktu í bæinn.

• Strand49
  Strand49 er50% afsláttur af lagersölu og 20% afsláttur af öðrum vörum. Gildir ekki af húsgögnum.

• Matarbúðin Nándin
  10% afsláttur af lúffenga kúluísnum beint frá býli. Mælum með að smakka.

  
  
  

Fyrirtæki ársins í Hafnarfirði verður valið síðasta vetrardag, miðvikudaginn 22. apríl við hátíðlega athöfn í Hafnarborg. Hvatningarverðlaun Markaðsstofunnar hafa verið veitt því fyrirtæki sem þótt hefur skara fram úr og vakið eftirtekt fyrir sín störf. Taktu þátt í valinu á fyrirtæki ársins með því að senda inn tilnefningu.

Vöxtur gerist ekki fyrir tilviljun. Hann verður til þegar markhópur, skilaboð og gögn vinna saman.

Með Örnu Þorsteins - Eiganda Festival, Markaðsstofu

Markaðsstofan stuðlar af fræðslu og fróðleik fyrir aðildarfélaga. Við reynum eftir fremsta megni að vera með puttann á púlsinum varðandi það sem er að gerast og er áhugavert hverju sinni sem skilar aðildarfélögum sem mestan ávinning.

Í þessari vinnustofu fer Arna Þorsteinsdóttir yfir hvernig fyrirtæki geta byggt upp markaðssetningu sem styður raunverulegan og sjálfbæran vöxt.

Við skoðum hvernig á að finna og skilgreina réttan markhóp, hvernig á að tala við hann með skýrum og markvissum skilaboðum og hvar best er að ná til hans.

Við ræðum einnig hvernig gögn og mælingar geta hjálpað fyrirtækjum að taka betri ákvarðanir um næstu skref í markaðssetningu.

Vinnustofan er bæði fræðsla og verkefnavinna. Þátttakendur fara yfir raunveruleg dæmi og vinna með eigin fyrirtæki á staðnum, með það að markmiði að fara heim með skýrari mynd af markhópi sínum, skilaboðum og næstu skrefum í markaðsstarfi.

Arna er með yfir áratuga reynslu af auglýsinga og markaðsmálum. Hún var ein af eigendum Sahara auglýsingastofu og vinnur í dag með eigið vörumerki, Festival, þar sem hún býður upp á dýpri og nánari markaðsstörf með fyrirtækjum. Hún vinnur með fjölbreyttri flóru viðskiptavina og situr einnig í stjórn Arctic Adventures.

Aðildarfélagar í Markaðsstofunni fá ókeypis aðgang,
aðrir borga 24.900 kr.

Takmarkað pláss - mikilvægt að skrá sig til að tryggja sér pláss

Leynast pílumeistarar í þínu fyrirtæki?
Markaðsstofan efnir til pílukeppnis milli fyrirtækja sem haldin verður á Ölhúsinu. Verðlaun veitt fyrir fyrsta sætið og flottasta búninginn / liðsandann. Skráðu þitt lið núna því það er takmarkað pláss.

Edda Björgvins ætlar að fræða okkur um mikilvægi að hafa húmor og gleði að leiðarljósi. Húmor einn og sér getur orsakað flæði af mikilvægum vellíðunarhormónum. Við hlátur, hreyfingu eða söng getum við framkallað helmingi meira af þeim en vanalega og þá styrkjum við ónæmiskerfið, virkjum heilann, verðum betri í samvinnu, orkumeiri og vinnum betur. Ótrúlegir hlutir gerast við að auka hamingju og vellíðan.

Námskeiðið verður haldið í höfuðstöðvum Icelandair, Flugvöllum 1. Mikilvægt er að skrá sig þar sem um takmarkað sætapláss er að ræða.

Miðvikudagurinn 10. desember | kl.18:00 - 21:00

Við bjóðum til okkar árlegu jólagleði miðvikudaginn 10. desember á Betri stofunni. Þar sameinumst við í hátíðlegu andrúmslofti, þar sem boðið verður upp á léttar veitingar í fljótandi og föstu formi og eigum notalega samveru áður en jólin ganga í garð.

Komdu og njóttu stundarinnar með okkur

Hafnarfjarðarkortið - Opinn fundur á Betri stofunni
Ný og spennandi lausn fyrir íbúa og fyrirtæki í Hafnarfirði

Við viljum blómlegt atvinnulíf í Hafnarfirði
Markaðsstofa Hafnarfjarðar vinnur að því að búa til sterkt samfélag fyrirtækja í Hafnarfirði og auka eftirspurn eftir hvers kyns vöru og þjónustu í Hafnarfirði með það að leiðarljósi að auka viðskipti innan bæjarins.

Við erum því afar spennt að kynna Hafnarfjarðarkortið, sem er ný og spennandi lausn fyrir íbúa og fyrirtæki í Hafnarfirði. Hafnarfjarðarkortið er gjafa- og inneignarkort sem hægt verður að nota í fjölmörgum verslunum, þjónustufyrirtækjum, kaffihúsum og veitingastöðum víðs vegar um bæinn.

Hafnarfjörður er því fyrsta sveitafélagið til að vera með eigin greiðslulausn og með Hafnarfjarðarkortinu erum við í raun að eignast okkar eigið hagkerfi sem skapar ekki bara virði fyrir fyrirtækin í bænum heldur líka fyrir íbúa og sveitarfélagið sjálft, því peningurinn helst innan bæjarfélagsins.

Hafnarfjardarkortid.is

Ný heimasíða er komin í loftið og verður uppfærð með nýjum aðilum á næstu vikum á meðan fyrirtæki eru að skrá sig. Hafnarfjarðarkortið verður orðið virkt og nothæft 20. desember.

Ekki gleyma að fylgja okkur á Instagram @hafnarfjardarkortid

Hvernig virkar Hafnarfjarðarkortið
Kortið virkar eins og inneignarkort, þú velur upphæðina og viðtakandinn ákveður hvar hann nýtir hana. Þannig er Hafnarfjarðarkortið gjöf sem gleður og hefur á sama tíma gildi í samfélaginu. Hafnarfjarðarkortið styður við fyrirtækin í bænum og hjálpar til við að efla verslun og þjónustu í Hafnarfirði.

Eitt kort, fjölmargir möguleikar
Hafnarfjarðarkortið er þó ekki eingöngu gjafakort því kortið er einskonar greiðslukort sem gildir víðsvegar um Hafnarfjörð. Fyrirtækjum býðst að bjóða upp á ýmis fríðindi eða tilboð sem eingöngu er hægt að nýta sér með Hafnarfjarðarkortinu sem skapar tækifæri til að draga að viðskiptavini og auka viðskipti.
Því ættu allir Hafnfirðingar að vera með Hafnarfjarðarkortið í vasanum og öll fyrirtæki að vera i kortinu, því kortið er lykillinn að Hafnarfirði.

Virkt í Apple wallet og Android farsímun
Kosturinn við Hafnarfjarðarkortið er að eigandi setur kortið í símann, það er virkt í Apple wallet og Android farsímum og viðkomandi þarf aldrei aftur að muna eftir gjafakortinu sínu.

Hægt er að kaupa kortið rafrænt en fyrir þá sem vilja geta sett eitthvað í pakkann er líka að hægt að fá Hafnarfjarðarkortið í gjafaöskju. Hægt verður að kaupa gjafaöskjur frá 5. desember í Jólaþorpinu og í þjónustuveri Hafnarfjarðar.

Verslum innanbæjar fyrir jólin
Við viljum hvetja alla til að versla innanbæjar fyrir jólin, við þurfum ekki að leita langt yfir skammt því Hafnfirðingar eru svo heppnir að búa yfir fjölbreyttu úrvali verslana, veitingastaða og þjónustufyrirtækja.

Fáðu þína sneið af kökunni
Markmið Markaðsstofunnar er að selja fjölda korta fyrir jólin, bæði til einstaklinga og fyrirtækja. Starfsfólk Hafnarfjarðarbæjar fær Hafnarfjarðarkortið í jólagjöf og því strax mikill ávinningur fyrir fyrirtæki að taka við kortinu. Ekki missa af tækifærinu til að trekkja að fjölda viðskiptavina.

Fimmtudaginn 13. nóvember | kl.12:00 - 16:00

Öll fyrirtæki vilja vaxa – en hvernig vitum við hvert er næsta skref? Sum standa á tímamótum, önnur vilja sækja á nýja markaði eða auka markaðshlutdeild, og mörg velta fyrir sér hvernig hægt sé að nýta nýja tækni, hugmyndir eða starfsfólk til að skapa raunverulegan vöxt.

Á ráðstefnunni skoðum við vöxt í víðu samhengi:

• Hvernig tökum við ákvarðanir sem leiða til stöðugrar þróunar?

• Hvernig nýta fyrirtæki breytingar í umhverfinu sem tækifæri?

• Hvernig getur nýsköpun, gervigreind og vellíðan starfsmanna skilað vexti og árangri?

Komdu og fáðu innblástur, verkfæri og nýjar hugmyndir sem hjálpa þér og þínu fyrirtæki að finna leiðina áfram.

Taktu daginn frá! - Nánari dagskrá kynnt á næstu dögum.

Þriðjudaginn 4. nóvember | kl.17:30 - 18:30

Saunagusur hafa verið að ryðja sér til rúms á Íslandi en eiga sér lengri sögu í mörgum af nágrannaríkjum okkar. Við ætlum að eiga töfrandi stund saman í hitanum og kæla á milli með því að dýfa okkur í sjóinn. Gufuhópurinn Herjólfsgufan býður aðildarfélögum að prófa sánu við Langeyrarmalir. Einstök upplifun sem þú vilt ekki missa af. Skráðu þig núna því um takmarkað sætapláss er að ræða.

Miðvikudaginn 15. október | kl.09:00 - 10:30

Skemmtilegur fyrirlestur sem fjallar um samskipti milli kynslóða og árangursríkar leiðir til að skilja og bera virðingu fyrir yngri og eldri kynslóðum. 

Hvað er líkt og ólíkt með okkar kynslóð og þeirra sem við störfum með?

Fyrirlestur sem fjallar almennt um samskipti og hjálpar starfsfólki á vinnustöðum að skilja hvernig hver kynslóð nálgast hlutina á ólíkan og misjafnan hátt.

Skilningur á kynslóðabili eflir starfsanda og góða vinnustaðamenningu. 

Fyrirlesari er Anna Steinsen sem nálgast efnistökin á skemmtilegan og jákvæðan hátt, með húmorinn að leiðarljósi.

Fimmtudaginn 2. október | kl.19:00 - 22:00

Það er fjörugt kvöld framundan á Fjörukránni. Októberfest Markaðsstofunnar í samstarfi við Fjörukránna. Þar verður hægt að gæða sér á Þýsku ljúfmeti, Löwenbräu, kinnhestur, októberfest matseðill og allt það góða sem Októberfest hefur upp á að bjóða. Óttar Ingólfs og Sigfús Ómar halda uppi fjörinu.

Föstudaginn 26. september | kl.09:00 - 10:30

Hafnarfjörður breytist í sannkallaðan jólabæ í aðdraganda jóla sem laðar að sér fjölda gesta. Hafnarfjarðarbær hefur umsjón með Jólaþorpinu og ætlum við því að efna til fundar með Valdimar bæjarstjóra og Sunnu verkefnastjóra menningar- og ferðamála. Þar gefst okkur tækifæri til að eiga samtal um undirbúning og fara yfir allt það helsta.

Við hvetjum öll fyrirtæki til að mæta og þá sérstaklega fyrirtæki í miðbænum.

Sumarkokteill á Sól

Miðvikudaginn 28. maí | kl.17:00-19:00

Við ætlum að kveðja veturinn og bjóða sumarið velkomið saman í æðislegu umhverfi sem Sól veitingastaður hefur upp á að bjóða. Sól er veitingastaður sem staðsettur er inn í lifandi gróðurhúsi, þar sem gestir borða yfir gróskumiklu og blómlegri uppskeru.

Gestir fá því að njóta útsýnis yfir gróðurhúsið þar sem ræktað er salat, tómatar, gúrka og matjurtir fyrir eldhúsið og barinn. Ásamt því að litið er inn í fagurt lónið, svo það er dásamlegt útsýni hvert sem litið er.

Sól leggur metnað sinn í að nota ferskasta hráefnið sem völ er á, þar á meðal grænmeti úr eigin framleiðslu sem gefur gestum beina tengingu við gróðurhúsið.

Hönnun Sól er einstök þar sambland af grænum jurtum, náttúrustein og lifandi viður spila stærstan þátt og býr til náttúrlegt og afslappað andrúmsloft.

Hlökkum til að skála við ykkur í sumarskapi

Markmiðið með þekkingardeginum er að kynna þau fjölmörgu frábæru fyrirtæki sem starfa í Hafnarfirði.
Dagskráin er fjölbreytt og við hvetjum ykkur til að heimsækja þessi frábæru fyrirtæki og kynna ykkur það
sem þau hafa uppá að bjóða.

*Dagskráin er ekki endanleg og mun eitthvað bætast inn í vikunni

It all begins with an idea. Maybe you want to launch a business. Maybe you want to turn a hobby into something more. Or maybe you have a creative project to share with the world. Whatever it is, the way you tell your story online can make all the difference.

Fyrirtæki ársins í Hafnarfirði 2025

Fyrirtæki ársins í Hafnarfirði verður valið miðvikudaginn 26. mars næstkomandi við hátíðlega athöfn í Hafnarborg. Dagskráin í ár er ekki af verri endanum. Það verður boðið upp á léttar veitingar í fljótandi og föstu formi og verða gestir leystir út með veglegum gjafapoka.

Hvatningarverðlaun markaðsstofunnar voru fyrst afhent árið 2017 en þau verðlaun eru núna nefnd Fyrirtæki ársins í Hafnarfirði. Verðlaun og viðurkenningar eru veittar fyrirtækjum sem hafa skarað framúr, vakið eftirtekt fyrir störf sín eða lyft upp bæjaranda Hafnarfjarðar með starfsemi sinni og athöfnum. Þau eru þakklætisvottur fyrir óeigingjarnt starf við að gera Hafnarfjörð að betra samfélagi.

Dagskrá
18:00 - Húsið opnar & fordrykkur
18:30 - Fyrirtæki ársins valið
19:00 - Léttar veitingar
19:10 - Skemmtiatriði
20:00 - Viðburði lýkur

Gestir fá veglega gjafapoka áður en heim er haldið

Hvar og hvenær
Miðvikudaginn 26.mars kl. 18:00 – 20:00 í Hafnarborg

Skráningarfrestur til og með 25. mars

Tilnefningar
Markaðsstofu Hafnarfjarðar barst fjölmargar tilnefningar og eru þau fimm fyrirtæki sem tilnefnd eru sem fyrirtæki ársins:

- Nándin
- Ísfell
- Bæjarbíó
- Fjörukráin
- Gulli Arnar

Hlökkum til að sjá sem flest, öll velkomin