28619061_10155228532686606_7477458062467317820_o.jpg
Ljósmyndari: Ragnar Th - Arctic-Images

Markaðsstefnumótun fyrir Hafnarfjörð

Hafnarfjarðarbær hefur ákveðið að fara í heildstæða markaðsstefnumótun og aðgerðaáætlun fyrir Hafnarfjörð og mun Markaðsstofa Hafnarfjarðar leiða þá vinnu.

Heildarstefnumótun fyrir Hafnarfjörð sem spennandi stað til þess að búa á, stunda vinnu og reka fyrirtæki. Lokaafurðin af þessari greiningar og stefnumótunarvinnu verði aðgerðaráætlun og innleiðingaráætlun sem bæði MsH og Hafnarfjarðarbær fylgi eftir til framtíðar. 
 
 
Hafnarfjordur.jpg

Erum við að leita að þér?

Markaðsstofa Hafnarfjarðar (MsH) leitar eftir samstarfsaðila til að vinna heildstæða markaðsstefnumótun og aðgerðaáætlun fyrir Hafnarfjörð. Skilafrestur fyrir forval er til og með 25. mars á asa@msh.is merkt markaðsstefnumótun. Dómnefnd ásamt
Dr. Friðriki Larsen lektor við Háskóla Íslands fer yfir þær tillögur sem berast og í kjölfarið verður völdum aðilum boðið að kynna sínar hugmyndir. Samstarfsaðili mun vinna verkefnið í samráði við stýrihópinn.  

 
2016-06-27 14.00.31.jpg

Verkefnalýsing

Gerð víðtækrar markaðsstefnumótunar fyrir Hafnarfjörð sem spennandi staðar til þess búa, starfa og reka fyrirtæki. Lokaafurðin af þessari greiningar og stefnumótunarvinnu geti orðið leiðarljós fyrir Hafnarfjörð í skipulagsvinnu, kynningarvinnu- og markaðssetningu. Lögð verði fram forgangsörðuð aðgerðaráætlun og innleiðingaráætlun sem bæði MsH og Hafnarfjarðarbær geti fylgt eftir til framtíðar.

 
2016-06-04 15.03.02.jpg

Matsblað dómnefndar ásamt útskýringum

Gert hefur verið matsblað þar sem vigtaðir eru saman ýmsir þættir sem skipta máli við val á samstarfsaðila sem hver fulltrúi í dómnefndinni fyllir út fyrir sig. Heildarniðurstaða matsins leiðir hópinn að niðurstöðu um val á samstarfsaðila.

Stýrihópur

Stjórn MsH skipaði fimm manna stýrihóp sem mun halda utan um þetta verkefni þar eru fjórir fulltrúar frá Markaðsstofu Hafnarfjarðar og einn frá Hafnarfjarðarbæ. Stýrihópurinn hefur fengið Dr. Friðriki Larsen lektor við Háskóla Íslands í lið með sér og mun hann vera ráðgjafi hópsins en  hann hefur mikla reynslu á þessu sviði.
 
Stýrihópinn skipa:

  • Ása Sigríður Þórisdóttir framkvæmdastjóri MsH
  • Linda Hilmarsdóttir, formaður stjórnar MsH fulltrúi hafnfirskra fyrirtækja í stjórn MsH
  • Sigríður Margrét Jónsdóttir, fulltrúi hafnfirskra fyrirtækja í stjórn MsH
  • Pétur Óskarsson, fulltrúi Hafnarfjarðarbæjar í stjórn MsH
  • Einari Bárðarson samskiptafulltrúi Hafnarfjarðarbæjar